دیجیتاڵ میدیای سپێده
له‌باری هێرشكردنه سه‌ر تیمی كه‌ناڵی ئاسمانی سپێده كه ئه‌م شه‌و بۆ رووماڵكردنی خوپیشاندانه‌كانی بازگه‌ی كه‌له‌ك تۆڕی میدیایی یه‌كگرتوو به‌یاننامه‌یه‌ك به‌لاو ده‌كاته‌وه و تێدا رایده‌گه‌یه‌نێت: جه‌ماوه‌ری دڵسۆزی كوردستان رێكخراوه‌كانی به‌رگری له رۆژنامه‌نووسان كۆنسوڵخانه و نوێنه‌رانی وڵاتان
بۆ جاری سێیه‌م بۆ ماوه‌ی كه‌متر له مانگێك ، هێزه ئه‌منییه‌كان زۆر ناشارستانیانه و دوور له رۆحی یاسا پارێزی ، ئه‌وپه‌ڕی پێشێلكاری به‌رامبه‌ر به تیمه‌كانی كه‌ناڵی ئاسمانی سپێده ده‌نوێنن
دوای ده‌ستبه‌سه‌ركردنه‌كانی دهۆك و سلێمانی ، ئه‌مجاره‌یان له خۆپیشاندانه‌كانی شه‌وی پێنجشه‌م له‌سه‌ر هه‌ینی له بازگه‌ی كه‌ڵه‌كی نزیك هه‌ولێری پایه‌ته‌خت ، هێزه ئه‌منییه‌كان په‌لاماری تیمی كه‌ناڵی سپێده ده‌ده‌ن و به لێدان و قسه‌ی نه‌شیاو و نابه‌جێ ئازاری جه‌سته‌یی و ده‌روونیان ده‌ده‌ن ، له‌م كرداره نایاساییه‌دا ، سه‌ره‌تا مۆبایلی لایڤی سۆشیال میدیای سپێده ده‌به‌ن و دواتر كامیره‌ی وێنه‌گری سپێده ده‌شكێنن.
وێڕای ئه‌وپه‌ڕی ئیدانه‌كردنی ئه‌م جۆره كرداره ناشارستانیانه ، جارێكی تر بۆ رای گشتی راده‌گه‌ینین ئه‌م جۆره په‌لامارو ده‌ستبه‌سه‌ر كردنانه ، ساردمان ناكاته‌وه له‌وه‌ی ده‌نگ و ره‌نگی راسته‌قینه‌ی داخوازییه ره‌واكانی ئه‌وان بین ، له هه‌ر شوێنێك مافی شه‌قام هه‌بێ ، كه‌ناڵی ئاسمانی سپێده‌ش له‌وێ ده‌بێت ، ئیتر له‌مپه‌ر و مه‌ترسییه‌كان هه‌رچییه‌ك بن . باشتر وایه ده‌زگا ئه‌منییه‌كان رێز له یاسای كاری رۆژنامه‌وانی بگرن ، نه‌ك ئه‌وه‌ی هه‌ر جاره‌ی له شارێكی كوردستان ، ئاوا پێشێلی یاسا بكه‌ن .
تیمی سپێده :
1- عزیز محمد / نێردراوی سپێده
2- محمد ره‌ئوف / وێنه‌گر
3- محمد بڵباس / كارمه‌ندی سۆشیال میدیا