شه‌فه‌ق نيوز/ ده‌يان ئه‌ندازيار له پياو و ئافره‌ت له پاريزگاى كه‌ركوك، خوه‌ينيشانداينيگ له‌وه‌رده‌م كۆمپانياى نه‌فت باكوور ريكخستن و له‌تى داواى دامه‌زراننيان ئه‌كه‌ن.
له‌ى باوه‌ته‌و، په‌يامنێر ئاژانس شه‌فه‌ق نيوز له پاريزگاگه وت: نزيكه‌ى 300 كه‌س له ده‌رچگه‌يل كۆليژه‌يل ئه‌ندازيارى خوه‌نيشانداينيگ ئاشتيانه له‌وه‌رده‌م كۆمپانياى نه‌فت باكوور له ناوچه‌ى عه‌ره‌فه له پاريزگاگه ريخستنه‌و له‌تى داواى دامه‌زرانن و ده‌رفه‌ت كار كردنه.
په‌يامنێرمان ئاماژه وه‌يه‌يش كرد ئى خوه‌ينيشانداينه شه‌شه‌مين خوه‌ينشانداينه ك له‌تى هه‌مان داواكارى به‌رزه‌و بكريه‌ێد و له‌ناونى خوه‌ينيشانده‌ريليش له‌ليان هه‌س ئه‌را ماوه‌ى 10 ساڵه داواى دامه‌زرانن كردگه، وه‌لێ بيهووده بويه.
جى باسه، خوه‌ينيشانده‌ره‌يل لافيته‌يليگ به‌رزه‌و كردنه‌و له‌باره‌ى داواكاريه‌يليان و ئافره‌تيگيش لافيته‌يگ به‌رزه‌و كرد و له‌تى نويسياوێد"ره‌سيمه چل ساڵ و وه‌زيفه نه‌يمه چه‌و" دى كه‌ى دامه‌زريه‌م و خانه‌نشين بووم!!