هەولێر-KDP.info- وەزیری ناوخۆی حكوومەتی هەرێمی كوردستان رایگەیاند، ھەر فەرمانبەرێك لە ھەر پلە و پایەیەكدا بێت، تابلۆی ئۆتۆمبێلەكەی لێ بكاتەوە و تابلۆی ژمارە كاتی، یان تابلۆی ساختە بەكار بھێنێت، بە توندی سزا دەدرێت.
بە گوێرەی نووسراوێكی وەزارەتی ناوخۆ، كە واژۆی رێبەر ئەحمەد وەزیری ناوخۆی لەسەرە و ئاڕاستەی پارێزگاكانی هەرێم و یەكە ئیدارییەكان كراوە و وێنەیەكیش دەست ماڵپەڕی فەرمیی پارتی دیموكراتی كوردستان كەوتووە، ھەر فەرمانبەرێك لە ھەر پلە و پایەیەكدا بێت، تابلۆی ئۆتۆمبێلەكەی لێ بكاتەوە و تابلۆی ژمارە كاتی، یان تابلۆی ساختە بەكار بھێنێت، ڕووبەڕووی سزای توند دەبێتەوە.
وەزیری ناوخۆی حكوومەتی هەرێمی كوردستان، لەو نووسراوەدا ئاماژە بەوەش دەكات، كە لێكردنەوەی تابلۆی ئۆتۆمبێل و بەستنی تابلۆی ساختە، ڕێگەخۆشكەرن بۆ زیادبوونی تاوان و شاردنەوەی ڕاستییەكان.
ئومێد بابان