شەفەق نیوز/ دەسەی دارایی پەڕلەمانی، ئمڕو سێشەممە، باسکرد ک حكومه‌ت پویل ئەرا خەرجکردن مووچەی فەرمانبەرەیل ها لەوه‌ر وەردەسی، و دووپاتکرد ک وەزارەتەگە فەرمانیگ ئەرا بانکەیل رەوانە نەکردگە وە خەرجکردن مووچەیل.
ئەحمەد سەفار بڕیاردەر دەسەگە ئەرا ئاژانس شەفەق نیوز وت: یاسای قەرزکردن ناوخۆیی جیگر بوی دویای واژوو کردنی لەلایەن سەرۆکایەتی کۆمار، و دیاری کرد ک پویلەگە هاوەردەس حکومەت ئەرا خەرجکردن مووچەی فەرمانبەرەیل.
وتیش؛ حکومەتەگە وەشیوەیگ فەرمی رینما داگەسە وەزارەت دارایی ئەرا خەرج مووچەی فەرمانبەرەیل، بەڵکم ئیمە نێزانیمن ئەرا وەزارەتەگە لە خەرجکردن مووچەی فەرمانبەرەیل دیرکەفتگە، و پێشبین كریه‌ید لەی روژەیله مووچه خه‌رج بکریەێد.
ئەنجومەن نوێنەران، چوارشەمەی گوزەیشتە، پڕۆژەی یاسایگ واژوو کرد ک ری دەێدە حکومەتەگە لە قەرزکردن ناوخۆیی و دەره‌كی ئەرا پڕەوکردن پەککەفتنە داراییەگە.