شەفەق نیوز/ ئاماریگ ک رۆیتەرز گردیەو کرد، دەرخست ک دویەکە چوارشەممە، تووشهتگەیل ڤایڕۆس کۆڕۆنا لە ئەمریکا زیاتر بی له ٥٠ هەزار ، جوور گەوراترین زیایبوین رووژانه لەوەختیگ پەتاگە دەسکردگەسە پی.
ئەییش هات دویای ئەوە ک پسپۆڕیگ حکومەتی لە بیماریە پەتایەگان هووشداری د ا ک تویشهاتنه‌گ‌ان دووقاتەو بوون ئەرا نزیەکەی ١٠٠ هەزار تووشهاتگ لە روژیگ، ئەگەر ئەمریکیەگان ریکارە گرنگەیل ، ئەرا وسانن بڵاوبوینەگەی له‌وه‌ر چه‌و نه‌گرن، جوور دەمامەک وەکارهاوردن، و دویرەو کەفتن کۆمەڵایەتی.
ئەمریکا لەلای کەمەو ٤٩ هەزار و ٢٨٦ تووشهاتگ نوو تۆمار کرد.
ئەنتۆنی فاوچی وەرپرس پەیمانگای نیشتمانی ئەرا بیماریە پەتاییەگان رووژ سێشەممە، خەوەردا دەسەی ئەنجومەن پیرەیل، ک زیایبوینە رووژانەگە شایەت بڕەسێدە ١٠٠ هەزار ئەگەر لە گشت وڵاتەگە كوشش نه‌كریه‌ید ئەرا وسانن ڤایڕۆسە بڵاوبویەگە.
وتیش نەبایەس جەخت بکەێمنە بان تەنیا ئەو ولایەتەیلە ک تووشهاتن لەناوی فرەوە بوود، ئەیە گشت وڵاتەگە خەێدە مەترسی.