شەفەق نیوز/ وەزارەت سامانە سروشتیەگان لە هەرێم کوردستان، رووژ شەممە، کەمەوکردن بەرهەم نەفت ئەرا رێژەی ٢١٧ هەزار بەرمیل لە رووژیگ رەت کرد.
وەزارەتەگە لە بەیاننامەیگ ئمڕوو وت: ئی خەوەرە راس نیە، و کار وەبەرهەمهاوردن نەفت لە هەرێمەگە هەر جووڕ مانگەیل گوزەیشتە ریکەێد.
ئاماریگ نوو دەرچگە باس کەمەوکردن عراق و هەرێم کوردستان ئەرا بەرهەمهاوردن نەفت کەێد ئەرا نزیکەی ٥٠٠ هەزار بەرمیگ لە رووژیگ، ئەویش لە چوارچیوەی پابەندی وە رێککەفتن کۆمەڵ ئۆپیک ئەرا کەمەوکردن بەرهەمهاوردن وەپشتگیری نرخ.
وەگورەی ئامار S&P Global Platts عراق و هەرێم ٤٩٧ هەزار بەرمیل لە رووژیگ کەمەوکردنە.
ئامارەگە ئاماژەدەێد ک هەرێم کوردستان وەرێژەی ١٠٠ هەزار بەرمیل لە رووژیگ کەمەو کردگە، وبڕ نەفت هەنارده لە هەرێم رەسێدە ٢٦٧ هەزار بەرمیل لە رووژیگ.