خەندان-
سکرتێری ئەنجومەنی وەزیرانی هەرێمی کوردستان رایگەیاند، عێراق لە ساڵی 2005 ەوە قەرزێکی زۆری لەسەر کەڵەکە بوە و تا ئێستا 62 ملیار دۆلار قەرزی کردوە و پشکی هەرێمی کوردستانیش لەو قەرزانە لەسەدا دو کەمتر بوە.
ئامانج رەحیم، سکرتێری ئەنجومەنی وەزیرانی هەرێمی کوردستان ئەمڕۆ لەکۆنگرەیەکی رۆژنامەوانیدا رایگەیاند، هێشتا پڕۆژه‌ی بودجه له به‌رده‌ستی حكومه‌تی عێراقه و هه‌ر كاتێك یاسای بودجه په‌سند كرا و له رۆژنامه‌ی وه‌قائیعی عێراقی بڵاوكرایه‌وه، ده‌چێته بواری جێبه‌جێكردنه‌وه.
شاندی دانوستانكار توانی شێلگیرانه به‌رگری له موچه‌ی زیاتر له ملیۆنێك كه‌س بكات و ئه‌مه ئه‌ركی حكومه‌ته
هه‌رێمی كوردستان ئه‌وله‌ویه‌تی ستراتیژی خۆی داڕشت و دو به‌ش بوه، یه‌كه‌میان پابه‌ندیی نه‌وتی بوه، كه تا راده‌یه‌ك گرێی په‌یوه‌ندییه‌كانی نێوان هه‌ولێر و به‌غدای كرده‌وه
یه‌كێك له‌و پرسانه‌ی كاریگه‌ری نه‌رێنی له‌سه‌ر پشكی هه‌رێم هه‌بووه، خه‌رجی سیادی بوه و ئه‌مساڵ رێژه‌یه‌كی زۆر بوه
عێراق لە ساڵی 2005 ەوە قەرزێکی زۆری لەسەر کەڵەکە بوە، تەنها بۆ کەرتی وەبەرهێنان 62 ملیار دۆلار تەمویل کراوە لە وڵاتانی دەرەوە
بەهۆی ئەو تێگەیشتنە یاسایی و حسابییەوە، لە گفتوگۆکانماندا لەگەڵ حکومەتی عێراق توانیمان ئەوە بچەسپێنین
ئاوات شێخ جەناب، وەزیری دارایی و ئابوری حکومەتی هەرێمی کوردستان لەسەرەتای کۆنگرە رۆژنامەوانیەکەدا رایگەیاند، "سه‌رپه‌رشتی دانوستانم له‌باره‌ی بودجه‌ی پێسپێردراێبو، كه چوینه به‌غدا بۆ گفتوگۆی بودجه‌ی هه‌رێم، له‌سه‌ر سێ بابه‌تی سه‌ره‌كی گفتگۆمان كرد، نه‌وت، دارایی و قه‌رزه‌كانی كوردستان بون".
ئاماژەی بەوەشکرد، "توانیمان رێککەوتن له‌سه‌ر نه‌وت بكه‌ین، بڕیارمانداوه رۆژانە 250 هه‌زار به‌رمیل راده‌ستی سۆمۆ بكه‌ین، داهاته‌كه‌ی ده‌چێته ناو داهاتی عێراق، هەروەها له‌سه‌ر بودجه‌ی هه‌رێم رێكکه‌وتین، به‌شێك له مافه داراییه‌كانی هه‌رێم وه‌ربگرینه‌وه، له‌گه‌ڵ ئه‌وه‌ش گه‌یشتینه سیغه‌یه‌كی هاوبه‌ش بۆ قه‌رزه‌كانی هه‌رێمی كوردستان، ده‌سته‌یه‌كی بۆ دروست ده‌كه‌ین به چاودێری دارایی هه‌ردولا به‌پێی توانا به‌شێك بۆ دانه‌وه‌ی قه‌رزه‌كان دابنرێت".