شەفەق نیوز/ تیم خۆبەخشانەی فیرقەی جەنگاوەر ئیمام عەلی لیوای دویەم/ حەشد شەعبی لە ماوەی ٢٤ ساعەت گوزەیشتە ، هەڵسیا وە ئامادەکردن و وەخاکسپاردن تەرم ٧٥ مردگ نوو وە کۆڕۆنا لە قەورسان وادی سەلام نوو لە پارێزگای نەجەف.
فیرقەگە ئمڕوو لە بەیاننامەیگ رەسیە ئاژانس شەفەق نیوز وت: مردگە نووەگان لە پارێزگای بەغداد و ژمارەیگ لە پارێزگایل بەشەو بوینە، ک ئامادەکردن و وەخاکسپارردن کریا ئەرا تەرم ٢١ لە بەغداد، ١٨ لە بەسرە، ١٥ لە زیقار ، ٤ لە نەجەف ، ٤ لە دیوانیە ، ٤ لە موسەنا ، ٤ لە میسان ، ٣ لە دیالە ، و هەمیش تەرم دو مردگ لە پارێزگای بابل.
حکومەت خۆجێی لە پارێزگای نەجەف راگەیان دویاترین ئامار وەخاکسپاردن زیاتر لە ٢٠٠٠ مردگ وە ڤایڕۆسەگە لە قەورسان وادی سەلام.