شەفەق نیوز/ عەبدولعەزیز فزەع قایمقام قەزای دجێل سه‌روە پارێزگای سەڵاحەدین، ئاشکراکرد ک زیاتر لە ١٠٠ تووشهاتگ کۆرۆنا خوەیان لە ماڵ کەرەنتین کەن لە ترس چگنیان ئەرا خەسەخانە.
فزەع ئەرا ئاژانس شەفەق نیوز وت: قەزاگە ناوەندیگ تایبەت وە کەرەنتین تەندروسی کردەو، وە ٣٠ شەوخەف، و تەنیا یەک تووشهاتگ هاناوی، لەوەر وازهاوردن خەڵکەگە لە خەفتن له خەسەخانە چوونکە ترسن لە کاریگەرییگ تر.
وتیش؛ ناوەند تەندروسی دجێل گشت پێوستە پزشکیەگان هاناوی و ئامادەیە ئەرا وەرگردن بیمارەیل، و هووشداری دا لە زیایبوین تووشهاتنەگان لە قەزاگە، لەوەر پێشیلکردن قیەغەی هاتووچگن و مقەیەتیەگە لەلایەن خەڵکەگە و فرەیی گردەوبوین کۆمەڵایەتی ک هووکار سەرەکی بوی لە بەرزەو بوین تووشهاتنەگان وە پەتاگە.