شەفەق نیوز/ شانەی قەیرانەگە لە سەڵاحەدین، ئمڕوو چووارشەممە، ئاشکراکرد لە سەختی جیوەجیکردن قەیەغەی هاتووچگن گشتگیر لە پارێزگاگە.
عەمار جەبر خەلیل پارێزگار و وەرپرس شانەی قەیرانەگە لە سەڵاحەدین لە کۆنگرەی رۆژنامەوانی ئەرا شانەی قەیرانەگە وە هاتن وەرپرسەیل کەرتە ئیداریەگان وت: سەختە لەبانمان جیوەجیکردن قەیەغەی گشتگیر هاتووچگن لە پارێزگاگە، لەوەر رەوش ژیانو گوزرانی و شوون پارێزگاگە.
وتیش: کار وەرپرس کەرتە ئیداریەگە هەڵسانگاندنه لەبنەمای چەودیریی ئەرا باوەت گڕدەوبوینەگان و ئەگەر هەر گردەوبوینیگ بوی لەو شوونە ک سەروە ئەوە کەفێدە وەرپرسیاریه‌تی یاسایی، و رەسێدە لادانی لە پۆستەگە.
خەلیل هەمیش وت: گردەو بوین وەگشت شیوەگانی قەیەغەس، و قیەغەی هاتووچگن رووژانە چەسپیەێد لە ساعەت ٧ ئیوارە تا ساعەت ٦ شەوەکی، و قەیەغەگە وە شیوەی توندیگ جیوەجی کریەێد ئەرا رووژەیل پەنجشەممە وجومعە و شەممە، و باج خریەێدە بان پێشیلکارەیل.
دیاری کرد: وەڕیەوبەرایەتی تەندروسی گشتی ئەرکدارە لە پارێزگاگە ئەرا هەڵسەنگاندن هەڵوێست گشت ناوچەیگ وەجیا، و چەسپانن قەیەغەی هاتووچگن توند وەگورەی هەژمار تووشهاتنەگان و بەرزەوبوینی.