شەفەق نیوز/ ئاماریگ ئەرا رۆیتەرز خەوەردا ک ئەمریکا زیاتر لە ٥٨ هەزار تووشهاتگ نوو وە بیماری کۆڤید-١٩ تۆمارکرد لە ماوەی ٢٤ ساعەت گوزەیشتە، جوور بەرزترین هەژمار ئەرا تووشهاتگەیل یەک دەوڵەت لە یەک رووژ تۆماری بکەێد.
ئەمریکا کەفتیەسە وەر تاوسان دڵتەنگیگ و زیایبوین رێژەی تووشهان، و فرە لە وڵایەتەگان ناچار بوین لە بەسانن بار و کناراوە گشتیەگان لە هەوڵدانیگ ئەرا نواگردن زیایبوینەگە.
بیجگە تۆمارکردن نزیکەی ١٠ هەزار تووشهاتگ نوو لە وڵایەت فلۆڕیدا، وڵایەت کالیفۆڕنیا و تیکساس زیاتر لە هەفت هەزار تووشهاتگ نوو تۆمار کردگە، و وڵایەت تنیسی و وۆست فیرجینیا و یوتا زیایبوین رووژانە پەیمانەیی لە تووشهاتگە نووەگان وەخوەی دی، و لە ٥٠ ولایەت تووشهاتنەگان لە ٤٢ ولایەت لەلیان بەرزەوبوود ، وەگورەی شیەوکردنیگ رۆیتەرز ئامادەی کردگە ئەرا تووشهاتنەگان لە دوو هەفتەی گوزەیشتە، بەراورد وە دوو هەفتەیگ وەرجە خوەیان.