شەفەق نیوز/ ئەمن نیشتمانی لە پارێزگای دیوانیە، رووژ یەکشەممە، دەسوەسەر کەسیگ کرد کارەیل سحر و جادوبازی کەێد، و چزدان قوربانیەگانی دویای وینەگردنیان .
ده‌زگای ئەمنی دیوانیه لە بەیاننامەیگ ك رەسیە ئاژانس شەفەق نیوز وت: لەبان بنەمای زانیارەیل هەوڵگیری و سکاڵایگ لە یەکیگ لە قوربانیەگان، مەفرەزەیگ لە ئەمن نیشتمانی لە پارێزگای دیوانیە، توێنست دەسوەسەر توومەتباریگ بکەێد، لە باوەتەیل چزداین ئەلیکتڕۆنی وەگورەی فەرمانیگ دادوەری.
بەیاننامەگە دیاری کرد؛ ک توومەتبارەگە ئاشکرا کرد لە لێکۆڵینەوەگان ک خوەی چەن ماڵپەڕیگ لە پەیوەندیە کۆميلایەتیەگان دیرێد، وەناویشان تاڵەگردن و جادو، ووەپیان کارەیل چزداین ئەنجام دەێد، و قوربانیەگان خەڵەتنێد و وینەیان گرێد، و هەمێش وینەیلیان دزێد، و دەسنووسی یاسایی لە قسەیلی کریا ، ودریا دەس لایەنە دادوەریەگان.
وەزارەت ناوخۆی عراقی، لە ساڵ ٢٠١٧ لە بڕیاریگ راگەیان وە بەسانن نووسینگەیل جادوبازەیل ک هانە بەغداد و پارێزگاگان باشوور عراق، و سزادان پێشێلکارەیل.