شەفەق نیوز/ سەرچەوەیگ لە وەڕیەوبەرایەتی تەندروسی گشتی لە پارێزگای هەولێر پایتەخت هەرێم کوردستان، ئمڕوو یەکشەممە، خەوەردا لە تۆمارکردن یەکەمین مردن ئەرا کەسیگ خاوەن شناسنامەی بیگانە وە کۆرۆنا.
سەرچەوەگە وت: کارمەندیگ بەنگلادیشی گیانی لەدەسدا لەوەر تووشهاتنی وە ڤایڕۆس کۆرۆنا، و ئاماژەدا ک خوەی یەکەم بیگانەس وە ڤایڕۆسەگە لە هەولێر بمرێد.
وەزارەت تەندروسی لە حکومەت هەرێم کوردستان عراق، رووژ شەممە، وەرانوەر ٨٣ خاسەوبوین لە ماوەی ٢٤ ساعەت لە گشت ناوچەیل هەرێم، تۆمارکردن ٧ مردن و ٢٦٤ تووشهاتن نوو وە ڤایڕۆس کۆڕۆنا راگەیان.