شەفەق نیوز/ قسەکەر وەناو مەرز ناودەوڵەتی ئیبراهیم خەلیل لە پارێزگای دهۆک لە هەرێم کوردستان، ئمڕوو سێشەممە، هه‌واڵ ماڵپەڕەیل پەیوەندیە کۆمەڵایەتیەگان رەت کرد ک باس له کۆنتڕۆڵ کردن مەرزەگە لە لایەن سوپای عراق کەێد، وتیش؛ ئی خەوەرە هیچ راس نیە.
لە بەیاننامەیگ ئەرا کامی کامل قسەکەر وەناو مەرزەگە ك رەسیە ئاژانس شەفەق نیوز وت: بڕیگ لە ماڵپەڕەیل پەیوەندیە کۆمەڵایەتیەگان خەوەریگ بڵاو کردن گوایە سوپای عراق کۆنتڕۆڵ مەرز ئیبراهیم خەلیل کردگە، و دووپات کرد ک ئی خەوەرە هیچ بنەمایگ نەیرێد.