سه‌رۆكێ لقێ دهۆك یێ سه‌ندیكا كرێكارێن كوردستانێ دیاركركو ل سنۆرێ دهۆكێ 17 هزار و 379 كرێكار بووینە ئه‌ندام دناڤ سه‌ندیكایێ دا و 11 هزار كرێكار هاتینه دابینكرن و سالا بۆری ل دهۆكێ هه‌شت كرێكاران گیانێ خوه ژده‌ستدایه".
ئه‌ڤرۆ 9/1/2020 عیسا نسرى، سه‌رۆكێ لقێ دهۆك یێ سه‌ندیكا كرێكارێن كوردستانێ بۆ(باسنیوز) دیاركركو: "سالا 2019ێ ل دهۆكێ هه‌شت كرێكار مرینه ژوانا ژى كرێكاره‌ك بیانی بوویه و شه‌ش كرێكار ژى برینداربووینه ل سه‌ر كاری. پتر ژ 470 پرۆژان هاتینه دابینكرن كو شه‌ش هزار و 900 پرۆژه ل دهۆك هه‌نه هه‌موو دابینكرینه بتنێ سالا بۆریدا 470 هاتینه دابینكرن و دوو كرێكار ل سالا بۆرى هاتینه خانه‌شینكرن سه‌رجه‌مێ كرێكارێن خانه‌نشینكرى گه‌هشتنه 154 كرێكاران و سالا بۆری هه‌شتێ ئاریشێن كرێكاران یێن هاتینه سه‌ندیكایێ، ژوانا ژى 71 ئاریشه یێن هاتینه چاره‌كرن".
خۆیا ژى كر: "ده‌لیڤەیێن كاركرنێ پێدڤیه دووڤ یاسایێ و رێنمایان بهێنه دابه‌شكرن. ئه‌م هیڤی نه ئه‌ڤ سالە ره‌وشا كرێكاران باشتربكه‌ین چونكو وه‌كو پێدڤی پووته ب كرێكاران ناهێته دان. كه‌سێن كارى دگه‌رن ناڤێن خوه ل رێڤه‌به‌ریا كار تۆماربكه‌ن ئه‌و جهێن پێدڤی كرێكاران دبن ژى راسته‌وخۆ كرێكاران نه‌هینن به‌لكو رێڤه‌به‌ریا كار هه‌موو تشته‌ك بهێته كرن ".