ئەمڕۆ ھەینی وەزارەتی کار و کاروباری کۆمەڵایەتیی حکومەتی ھەرێمی کوردستان بڕیاری دا لەمەودوا دانانی تەلەڤزیۆن لەناو دایەنگاکاندا قەدەخە بكرێ.
وەزارەتی کار و کاروباری کۆمەڵایەتیی حکومەتی ھەرێمی کوردستان لەو نووسراوەدا کە ئەمڕۆ بڵاوی کردووەتەوە، ئاماژەی بەوە کردووە لەسەر ڕاسپاردەی وەزیری کار و لە بەرژەوەندی منداڵان، دانانی تەلەڤزیۆن لە دایەنگاکان قەدەخەیە، ئەوەش بە مەبەستی بە ئەنجام گەیاندنی کار و ڕۆڵی دایەنگەکان بە شێوازێکی ڕێکوپێک.
بە پێی نووسراوەکەی وەزارەتی کار و کاروباری کۆمەڵایەتی، ئەو بڕیارە لە بەرژەوەندیی منداڵانی ناو دایەنگەکان دەرکراوە کە پێویستە تەواوی دایەنگەکان پابەندی بن.