رێڤەبەرێ سەخبیری و پاراستنا رێك و پرا ل دهۆكێ دیار كر كو حەفت تیم بۆ رامالینا بەفرێ و ڤەكرنا جادەیان ل سەرانسەرێ دهۆكێ هاتینە پێك ئینان و هەموو ئامیرێن پێدڤیی هاتینە دابینكرنا بۆ ڤان تیمە پێ خەمەت نەهێلانا چیبوونا ئاستەنگیێن هاتن وچوونێ.
دیوالی حەمێ بریندار، رێڤەبەرێ سەخبیری و پاراستنا رێك وپرا ل دهۆكێ بۆ (باسنیوز) دیار كر كو: “هەتا نوكە ل سەرزێری بەفر هاتیە لێ نەگەهشتیە وێ رادەیێ جادە بهێنە گرتن و ئاستەنگ بۆ هاتن و چوونێ دروست بن وتیمین مە یێ ڤەكرنا جادەیان ل سەرزێری و دێرەلوك و سوارەتووكا و زاخۆ و ئامیدیێ و بامەرنێ بەلاڤ كرینە بۆ وێ چەندی هەكە ل دەڤەرێن چیایی بەفر بباریت و ریك بهێنە گرتن ب زووترین وەخت ئەم ریێا ڤەكەن و نەهێلن ئاستەنگ بۆ هاتن و چوونێ دروست بن".
خۆیا ژی كر كو ئەڤ سالا بۆ وەرزی زڤستانێ حەفت تیم هاتینە پێك ئینان هەموو ئامیرێن پێدڤی لبەر دەستی وان هەنە داكو هیچ ئاستەنگەكا هاتن و چوونێ دروست نەبیت ب تایبەتی ژی دەڤەرێن چیایی و ناڤبەرا گۆند وقەزا وناحیا بۆ پارێزگەها دهۆكێ.