خەندان- نیگار عومەر
شۆفێرانی ئۆتۆمبێلە بارهەڵگرەکانی دەروازەی نێودەوڵەتیی پەروێزخان، مانگرتنیان راگەیاند و دەروازەکەیان بەڕوی هاتوچۆی ئۆتۆمبێل و جوڵەی بازرگانیدا داخست.
حەمەی حەمەئەمین کەلاری، نوێنەری شۆفێری ئۆتۆمبێلە بارهەڵگرەکانی پەروێزخان، بەخەندا-نی راگەیاند "ئەمڕۆ شۆفێری ئۆتۆمبێلە بارهەڵگرەکانی دەروازەی نێودەوڵەتی پەروێزخان دژی رایینەکردنی کاروبارەکانیان لە دیوی ئێران، مانگرتنیان راگەیاند و دەروازەکەیان بەڕوی هاتوچۆی ئۆتۆمبێل و جموجۆڵی بازرگانیدا داخست".
ئاماژەی بەوەشکرد، "پاش مانگرتنی شۆفێران وەک شاندێکی حکومەتی هەرێم سەدانی بەرپرسانی مەرزەکەمان کردوە و لە دیوی ئێران و بەڵێنیی چارەسەرکردنی گرفتەکانیان پێداوین".
هاوکات شەرمین عەلی، وتەبێژی بەڕێوەبەرایەتیی کۆمەڵگەی دەروازەی نێودەوڵەتیی پەروێزخان بەخەندان-ی رایگەیاند سەرقاڵی چارەسەرکردنی کێشەکەیانن.