هەولێر-KDP.info- وه‌زیری گواستنه‌وه و گه‌یاندن ئاماژه به كاری كۆمپانیاكانی گواستنه‌وه ده‌كات و باس له‌وه ده‌كات نووسراویان كردووه بۆ ئه‌وه‌ی كرێی كارتی مۆبایل كه‌م بكرێته‌وه.
ئانۆ عیدۆ عه‌بدۆکا، وه‌زیری گواستنه‌وه و گه‌یاندنی حکوومەتی هەرێمی کوردستان، بۆ ماڵپه‌ڕی فه‌رمیی پارتی دیموکراتی کوردستان گوتی: "نووسراوێکیشمان ئاراسته‌ی سه‌رۆکایه‌تیی ئه‌نجومه‌نی وه‌زیران کردووه، تا ئه‌وانیش بۆ وه‌زاره‌تی گواستنه‌وه و گه‌یاندنی عێراقی بکه‌ن، تا بڕی پاره‌ی کارتی مۆبایلی هه‌رسێ كۆمپانیای كۆڕه‌ك و زین و ئاسیاسێڵ که‌م بکرێته‌وه، که کاتی خۆی به بڕیاری ئه‌و به‌ڕێزانه له به‌غدا، له ساڵی ٢٠١٥، زیاد کراوە.'
ده‌شڵیت: "ئه‌و کۆمپانیایانه‌ی که شه‌قامه‌کان بۆ هێڵی ئینته‌رنێت هه‌ڵده‌که‌نن، داوامان کردووه ته‌نسیق له‌گەڵ شاره‌وانی و پارێزگاکان بکه‌ن و له‌سه‌ر خه‌ت بن، تا کاری خۆیان بکه‌ن و ده‌بێ کاره‌کان به‌فه‌رمی بن."
ڕایشیگه‌یاند: "هه‌ندێک لێکۆڵینه‌وه هه‌یه له‌سه‌ر چه‌ند کۆمپانیایه‌کی گواستنه‌وه، چاوه‌ڕوانی لێکۆڵینه‌وه و ده‌ره‌نجامه‌کان ده‌که‌ین، تا كه‌یسه‌كانیان یه‌كلا كرێته‌وه."
کارزان هەورامی