دیجیتاڵ میدیاى سپێده
وەزارەتی تەندروستیی و ژینگەی عێراق ئاماری ٢٤ کاتژمێری رابردووی سەبارەت بە ڤایرۆسی كۆرۆنای نوێ (COVID-19)، بڵاوکردەوە.
وەزارەتی تەندروستیی و ژینگەی عێراق لە رایگەیەنراوێکدا ئاماژەی بەوە داوە كە لە میانی ٢٤ كاتژمێری رابردوودا، چوار هەزار و ٤٤ كەس تووشی ڤایرۆسی كۆرۆنای نوێ بوون و ٦٣ كەسیش بەهۆی ڤایرۆسەكەوە گیانیان لەدەستداوە.
وەزارەتی تەندروستیی و ژینگەی عێراق راشیگەیاندووە كە لە میانی ٢٤ كاتژمێری رابردوودا، سێ هەزار و ٥٥ کەس لە ڤایرۆسەکە، چاكبوونەتەوە.
عێراق سەبارەت بە ژمارەی تووشبووان بە ڤایرۆسی كۆرۆنای نوێ لەنێو ٢١٧ وڵات، هەرێم و ناوچە لە جیهاندا لە ریزبەندی پانزەهەمدایە، بە جۆرێک کە تا ئێستا ٤٣٠ هەزار و ٦٧٨ كەس لە عێراق تووشی ڤایرۆسی كۆرۆنای نوێ بوون.