خەندان-
سەرۆکی نوێنەرایەتی حکومەتی هەرێمی کوردستان لەبەغداد بەشە بودجەی هەرێمی کوردستانی لەبودجەی 2020 ئاشکراکرد.
لەسەدا 12.6-ی بودجەی فیدڕالی و بەشە موچەی پێشمەرگەش وەردەگرێت
بەگوێرەی هەواڵێکی عەین ئەلعێراق نیوز، فارس عیسا سەرۆکی نوێنەرایەتی حکومەتی هەرێمی کوردستان لەبەغداد، لەکۆنگرەیەکی رۆژنامەوانیدا بەشە بودجەی هەرێمی کوردستانی لەبودجەی 2020-ی عێراق ئاشکراکردوە و رایگەیاندوە" لەبەرامبەر رادەستکردنی 250 هەزار بەرمیل نەوتی رۆژانە بەکۆمپانیای سۆمۆ، هەرێمی کوردستان لەسەدا 12.6-ی بودجەی فیدڕالی و بەشە موچەی پێشمەرگەش وەردەگرێت.
سەرۆکی نوێنەرایەتی حکومەت لەبەغداد رەتیشیکردەوە عادل عەبدول مەهدی سەرۆک وەزیرانی عێراق رازیبوبێت بەپێدانی لەسەدا 22-ی بودجەی فیدڕاڵی عراق بەکورد پێش رادەستکردنی نامەی دەستلەکارکێشانەوەی.
ئەم رێککەوتنەی نێوان هەرێم و بەغداد جێبەجێدەکرێت لەکاتی پەسەندکردنی بودجەی فیدڕاڵی
فارس عیسا جەختیشیکردەوە، ئەم رێککەوتنەی نێوان هەرێم و بەغداد لەکاتی پەسەندکردنی بودجەی فیدڕاڵی جێبەجێدەکرێت.