هونەرمەندەكا شێوەكارا ل دەڤەرا بارزان كو چەندین ساڵە كەڤاڵا دروست دكەت و چەندین پێشانگەهێن تایبەت ڤەكرینە ل كوردستانێ دخوازیت پشتەڤانیا وێ بهێتە كرن بۆ وێ چەندێ پرۆژێن مەزنێن هونەری ئەنجام بدەت.
هونەرمەندا شێوەكار فەهیما باپیر، بۆ ( باسنیوز) راگەهاند: "ساڵا 1998 ێ بۆ بلند كرنا شیان و ئاستێ خوە یێ هونەرێ شێوەكاریێ پشكداری خولەكا وێنەكێشانێ بووم ب هەردوو رەنگێن قەلەم و زەیتی ، هەتا نوكە من چەندین پێشانگەه ڤەكرینە، وەك پێدڤی پشتەڤانیا هونەرمەندێن شێوەكار ناهێتە كرن ، پرانیا كەڤالێن من دروستكری لسەر سروشتێ جوانێ كوردستانێ و گول و گولزارو ئافرەتێ بۆینە.
گوت ژی: "فروتنا كەڤالا ل كوردستانێ ل ئاستەكێ خرابدایە هەتا نوكە شیامە هژمارەكا كەڤالا بفروشم ،هێشتا كرینا كەڤالێن شێوەكارێن كورد نەبۆیە كلتۆر بەلكۆ جهێ كەڤاڵێن سروشتێ كوردستانێ كەڤالێن خەیاڵی و بیانی پتر دهێنە فروتن، سروشتی مروڤان هوسایە پتر گرنگیێ ب بەرهەمێ بیانی ددەن نەب تنێ ل بوارێ شێوەكاری و هونەری بەلكۆ ل هەموو بۆارا دا ئەڤ چەندە ب باشی دهێتە دیتن، ژبەر نەبۆنا پشتەڤانیێ ئەم نەشێم پروژێن مەزن دروست بكەم ئەگەر پشتەڤانی هەبیت ب پشت راستی دێ هونەرێ شێوەكارێن كورد گەهیت ئاستێ شێوەكارێن جیهانێ".
ئاشكرا كر: "ئەگەر هونەرمەند و ماموستا نەبام من دڤیا ل بوارێ سینەمایێ دا كاربكەم و كلتۆرو فەرهەنگا كوردستانێ ب هەموو جیهانێ نیشاندەم ، من دڤێت ل پاشەروژێ گرنگیەكا باشتر بدەم ژینگەه و سروشت و كلتۆرێ دەڤەرێ ب رێكا كەڤاڵێن خوە سروشتێ دەڤەرا بارزان نیشا جیهانێ بدەم".