دیجیتاڵ میدیاى سپێده
لە ئێران هەڵمەتی ڤاکسیدان دژبەکۆرۆنا دەستیپێکرد و یەکەم کەسیش کە ڤاکسینەکەی بۆ بەکارهێندرا کوڕی وەزیری تەندروستیی بوو.
دوای ئەوەی رۆژی چواری شوبات یەکەم کاروانی ڤاکسینی "Sputnik V" لە رووسیا-وە گەیشتە ئێران، هەڵمەتی ڤاکسیندانی ٦٣٥ کارمەندی تەندروستی دەستیپێکرد.
یەکەم کەسیش کە ڤاکسیندرا، پارسا نەمەکی کوڕی وەزیری تەندروستیی ئێران، سەعید نەمەکی بوو.
هەڵمەتی ڤاکسیندان لە رێوڕەسمێکی تایبەتدا دەستیپێکرد و سەرکۆماری ئێران، حەسەن روحانی لەڕێی ڤیدیۆ کۆنفڕانسەوە بەشداری رێوڕەسمەکەی کرد.
بڕیاریشە سەرەتا ڤاکسینەکە بۆ پزیشک و پەرستارانی بەشی چاودێری چڕ بەکاربهێندرێت.