دیجیتاڵ میدیای سپێده
بەرپرسی مەفرەزە قەناسبەدەستەکانى رێکخراوی داعش، لە ئۆپراسیۆنێکی ئەمنیدا لە هەولێر لە لایەن دەزگاى هەواڵگری عێراقەوە دەستگیرکرا.
سه‌رچاوه‌یه‌كی ئه‌منی به‌میدیاكانی عێراقی راگه‌یاند، ده‌زگای هه‌واڵگری عێراق توانیویه‌تی "به‌شار عدوانی" به‌رپرسی تیمه قه‌ناسبه‌ده‌سته‌كانی رێكخراوی چه‌كداری داعش له كه‌رتی باشور ده‌ستگیربكات.
ئه‌وه‌شی روونكراوه‌ته‌وه، ده‌زگای هه‌واڵگری عێراقی، له ماوه‌ی سێ مانگی رابردودا چاودێری جموجوڵه‌كانی ئه‌و تۆمه‌تباره‌یان له نێوان فه‌لوجه و هیت و موسڵ كردوه، دواجار توانیویانه له ئۆپراسیۆنێكی سه‌ربازی و نهێنیدا له شاری هه‌ولێر ده‌ستگیری بكه‌ن.
ئەمەش لە کاتێکدایە، لە مانگی ئۆکتۆبەری ساڵی رابردوودا، ئاژانسى هەواڵگرى سەر بە وەزارەتى ناوخۆى عێراق رایگەیاند، بە هاوکارى دەزگا پەیوەندیدارەکانى سلێمانى، توانیویانە شەش ئەندامى داعش دەستگیربکەن کە بەرپرسبوون لە تەقینەوەیەک لە پارێزگاى ئەنبار.