شێخان- KDP.info- وه‌كیلی میری ئێزدیان دەڵێت، گەڕانەوەی خێزان و كەسوكاری تیرۆریستانی داعش بۆ زوممار، مەترسییەكی گەورەیە بۆ سەر ناوچەكە، بە تایبەت بۆ شنگال.
جەهوەر عەلی بەگ، وه‌كیلی میری ئێزدیان، لە لێدوانێكی تایبەتدا بە ماڵپەڕی فەرمیی پارتی دیموكراتی كوردستانی راگەیاند: "داعش خۆی مەترسییە و گەڕانەوەی خێزانەكانیشیان، مەترسییەكە گەورەتر دەكات و ئێزدییەكان بەو هۆیەوە ڕووبەرووی مەترسییەكی گەورە دەبنەوە لە شنگال".
ناوبراو گوتیشی:" بە دەست ئەو پاشماوانەی داعش، ئێزدییەكان هەموو ئازارێكیان چەشتووە، بۆیەش جێگیركردنیان لە كەمپی زوممار، دەبێتە هۆی سەرهەڵدانی هزری توندڕۆیی لە ناوچەكە".
وه‌كیلی میری ئێزدیان، داواش لە حكوومەتی هەرێم و عێراق دەكات، بە زووترین كات چارەسەرێك بۆ ئەم پرسە بدۆزنەوە، بۆ ئەوەی ئێزدییەكان دووبارە ژیانیان نەكەوێتە مەترسییەوە.
كـــاروان بـــاعەدری