دیجیتاڵ میدیاى سپێده
ئەمڕۆ سێ شه‌ممه 2/3/2021، کونسوڵی گشتی کۆماری فیدڕالی ئەڵمانیا لە ھەرێمی کوردستان کلێمێنس سێمتنەر سەردانی ئەیھان سەعید نوێنەری دەستگیرکراوەکانی بادینانی کرد و لە کۆبونەوەکەدا پشتیوانی خۆی بۆ پرسی ئازادی رادەربرین و کاری رۆژنامەوانی دەربڕی.
لە کۆبوونەوەکەدا کلێمێنس سێمتنەر لەگەل ئەیھان سەعید باسی ئازادی رادەربرین و زیندانیانی بادینان کرا، باس لە دوایین گۆڕانکاریەکانی کەیسەکە کرا.
ئەم سەردانەی کونسوڵی گشتی کۆماری فیدڕالی ئەڵمانیا لە کاتێکدایە بڕیاری گرتن بۆ ئەیھان سەعید بە تومەتی پاڵپشتی بۆ زیندانیانی بادینان دەرچووە، بەڵام ناوبراو پێشتر رایگەیاندبوو ئێمە ناوەستین تا براو ھاوڕێکانمان کە بە ناحەق زیندانیکراون ئازاد دەکرێن.