په‌رله‌مانی كوردستان كۆده‌بێته‌وه.. بڕگه‌یه‌كی دیكه‌ بۆ به‌رنامه‌ى كار زیاد كرا

دیجیتاڵ میدیاى سپێده‌

په‌رله‌مانی كوردستان كۆده‌بێته‌وه‌و بڕگه‌یه‌كی دیكه‌ بۆ به‌رنامه‌ی كاری دانیشتنی رۆژی دووشه‌مه‌ 2021/3/8 زیادكرا.

ده‌سته‌ی سه‌رۆكایه‌تیی په‌رله‌مانی كوردستان له‌به‌یاننامه‌یه‌كدا كه‌ئیمزای سه‌رۆكی په‌رله‌مانی له‌سه‌ره‌و ‌ئاراسته‌ی گشت ئه‌ندامانی په‌رله‌مانی كوردستان كراوه‌، تیایدا هاتووه‌، به‌پێی حوكمی خاڵی (1) له‌بڕگه‌ی (یه‌كه‌م)ی مادده‌ی (49) له‌په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تیی په‌رله‌مان بڕیاریدا به‌زیادكردنی بڕگه‌یه‌ك به‌ڕیزبه‌ندیی (سێیه‌م) بۆ به‌رنامه‌ی كاری دانیشتنی ژماره‌ (2)ی رۆژی دووشه‌مه‌ رێكه‌وتی 2021/3/8، به‌م شێوه‌یه‌ی خواره‌وه‌:

سێیه‌م: خوێندنه‌وه‌ی یاداشتێك له‌لایه‌ن سه‌رۆكی لیژنه‌ی (داكۆكیكردن له‌مافی ئافره‌ت) به‌بۆنه‌ی یادی (8ی مارس) وه‌ك رۆژی جیهانیی ئافره‌تان.