ل بیرهوهریا ٣٠ سالیا كۆنگرێ ١٠ دیرۆك دێ خوه دوباره كهته ڤه.؟! فههیم عبدالله حمۆ ل دووماهیا سالێت ههشتێیان ژ سهد سالیا بۆری ، جیهان ل ههمبهر گوهۆرینێت مهزن بوو. نیشانێت ژ ناڤ چوونا دو جهمسهریێ و پهیدابوونا سیستهم و فورمهكێ نوییێ جیهانگیریێ، ل ئارا بوون. ل سهر ئاستێ دهڤهرێ ژی، ژ نووڤه دهر ئهنجامێت شهڕێ ههشت سالیێ یێ وێرانكهرێ عیراقێ و ئیرانێ خۆیا دبوون. ل كوردستانێ برین و كۆڤانێت ئهنفالێت رهش، چهند دكویر بوون هێشتا پتر دئاریای و پر ئازار بوون. ئهو خهلكێ خۆراگر و شۆرهشگێرێ سالانێت درێژ بارێ گرانێ شۆرهشێ و بهرخۆدانێ ب قوربانی و خوه و خوینا خۆ ههلگرتی و پیرۆز راگرتی، هند بهرهف بیابان و بهر ب ژێریا عیراقێ برن و بساخی كومكوژ كرن و بن ئاخ كرن و حهتا نوكه ژی قول قول گۆرستانێت وان یێت دیار دبن، رح و رهوان و ئهو كێماتیامای ژ ههستی و بهرمایكێت وان یێ ڤهدگهرنهڤه ئاخا پیرۆزا وهلاتی، ههر چ یێت ماین ژی ل ئوردگایێ (بهحركێ) و ئوردوگایێت (دیاربهكر وماردین و مۆشێ ) ل باكورێ كوردستانێ، هند ژی ل ئاوارهیێ ل رۆژههلاتێ كوردستانێ بنهجه بوون. دناڤ ڤی كهش و ههوایێ سهخت و دژوار و ئالۆز دا، دناڤ ڤان گۆرانكاریێت تراژیدیدا، نهدبوو پارتی ببنگهه و سهركردایهتی ڤه، هزر ل گرێدانا كۆنگرهیهكی نهكهت كو سهرباری ههمی ئهو هۆكار و سهدهمێت مه خۆیا كرین، ئهو پتر ژ دهه سالان بوو پارتی كۆنگرێ خۆ نه گرێدابوو، كو ل دویف پهیرهوێ نافخۆی پێدڤییه ههر چوار سالان جارهكێ ئهڤ كونگره بهێته گرێدان. بهلێ…گرێدانا كونگرهكێ ل ئاست بهرپرسیاریێت وێ قۆناغێ، ههلسهنگاندنهكا هیر و زانستیانه و راستگۆیانه بۆ قۆناغا بۆری و ئهو رویدان وكارهساتێت دگهل خۆ ئیناین و سهرئهنجام شۆرهش توشی شكهستنهكا دیتر بووی و خوسازدان بۆ قوناغا داهاتی و بهرهنگاربوونا وان ههمی ههڤركیێت سهخت و دژوار، سهرئهنجام پشتی ههمی بهرههڤییان و دهست نیشانكرنا نوینهرێت كونگرهی، ل رۆژا ١/١٢ تاكو ١٢/١٢/١٩٨٩ كۆنگرێ دههێ یێ پارتی دیمۆكراتی كوردستان دهست ب كاربوو. كۆنگرهیهك بۆ جارا ئێكێ بوو بێ ی شههیدێ جانهمهرگ (ئدریس بارزانی) دهێته گێران و ڤالاتیا وی كو كاریگهریا وی تا رادهكێ مهزن لسهر كۆنگرهی یا خۆیا بوو. ههر چهوا بیت كونگره دناڤ سهقایێ سڕ و سهرماو بهفرینێ (مهرگه ڤهڕێ) دا ل مزگهفتا (هیشماوا) ب رهخنه و دانوستاندنێت گهرم دهستپێ كر. ههر ژ خواندنا راپۆرتا سیاسیا دویر و درێژ كو ژلایێ سكرتێرێ پارتی شههیدێ سهركرده (علی عبدالله) ڤه هاتبوو بهرههڤ كرن و پێشكێشكرن، راپۆرت دهربرین و ههلسهنگاندنهك بوو ژ ههمی ئالیان ڤه بۆ ههر دهه سالێت بۆری یێت پڕی رویدان و سهركهفتن و كارهسات و لایهنێت ئهرێنی و نهگهتیف ، ڤێ راپۆرتا گشتگیر دانوستاندن و رهخنێت دژوار ژ لایێ نوینهرێت كۆنگرهی ڤه ل دویف خۆ ئینان و، جارنا سهركردایهتی ل ههمبهر وان سهرنج و رهخنان خۆ ددهراڤاكێ تهنگ دا ددیت. ماددێ پێنجێ ژ پهیرهوێ نافخۆ مژارهكا دی یا زێده گهرم دناڤبهرا ههردوو بۆچۆنێت گوهۆرین و وهك خۆمانا ڤی مادهی پهیداكر. بابهتێ ئهنفالان و ههلنگڤتنا شۆرهشێ و ئهو ئهنجامێت وێرانكاریێت بسهرێ مللهتێ مه هاتی، پشكهكا وێ بهرپرسیاریێ د كونگرهی دا كهتهپال سهركردایهتیا بهرهیێ كوردستانی، كو پارتی بهرێ بنیاتێ وی بهرهی بوو. بیروقراتیهت دئۆرگانێت پارتی دا و لاوازییا هێز و رێكخستنێت پارتی ل هندهك دهڤهرێت بهرفرههێت كوردستانێ جهێ گهنگهشه و رهخنێت نوێنهرێت كۆنگرهی بوو. دیاره دوازده رۆژ ژ ڤان رهنگه بگرهو ڤهكێشێت گهرم و جاران بدهنگێت بلند و توند، د كورته بابهتهكێ هوسا و سهرپێ دا، دهربرین ژێ ناهێته كرن و دكارم بێژم گهر رۆلێ سهرۆك بارزانی و باندۆرا وی یا ئهرێنی ل سهر ڤی كۆنگرهی نه با، رهنگه دهر ئهنجامێت كونگرهی ، بهلكو كۆنگره ب خۆ ژى ب ئاقارهكێ دی دا چوبایه. ل دویماهیێ كۆنگره ب ههلبژارتنا سهركردایهتیهكا نوی و هندهك رویێت گهنج و ژیێت ههره بهرچاف ب سهركهفتنا بهرێز (نێچیرڤان بارزانی) بوو، بۆ سهركردایهتیا پارتی و دهركرنا هژمارهكا بریار و راسپاردان و پهسهند كرنا بهرنامێ كارێ سیاسی و لهشكری و رێكخستنێ بۆ قۆناغا داهاتی. ب دیتنا من پهسهندكرنا گوهۆرینا جهێ سكرتێرێ حزبێ ب سكرتێرێ مهكتهبا سیاسی، ئێك ژ بریارێت نهدجهێ خۆدا بوو .. ژبهر: 1ـ كێمكرنا دهستههلاتێت سكرتێرێ حزبێ یه و سهرئهنجام لاوازبوونا مهركهزیهتا وی پۆستێ گرنگه و (مهركهزیهتا دیموكرایهتی) ستوینهكا گرنگا میكانزما حزبێ یه. دیاره د دیرۆكا پارتی دا، سكرتێرێ حزبێ چ رۆلهكێ سهرهكی و محوهری د رێڤهبرن و سهرپهرشتیكرنا ئورگانێت حزبی ههر ژ مهكتهباسیاسی و مهكتهبێت ناوهندی و حهتا لق و ناوچه و ئورگانێت خوارتر ژی دا ههبوو. 2ـ لاوازیا ڤی پۆستێ سهرهكی بوو ئهگهر سهرۆكێ پارتی پتر بهێته ناڤ ئارێشه و كاروبارێت حزبی دا و مهودایهكی ژ وهختێ خۆ بدهته ڤی كاری، كو بدرێژاهییا دیرۆكا پارتی و نهخاسمه ل قوناغێت خهباتا نهێنی و سالانێت شۆرهشا ئیلۆلێ، باوهرناكهم بارزانیێ نهمر زێدهچوبیته دناڤ كارێت حزبی دا، بهلكو بتنێ وهختێ خۆ تهرخان دكر بۆ سهرپهرشتیا هێزا پێشمهرگهی و بریارێت گرنگ و چارهنڤێسی. رهنگه ئهڤ چهنده ل شۆرهشا گولانێ ژی تا رادهیهكی ژی سهرۆك مسعود بارزانی پهیرهو دكر ژ ههژییه بێژین د ڤی كۆنگرهی دا د ئاورهكا پر ههست و سۆزدا، بۆ جارا ئێكێ بوو مهدالیا بارزانی بهێته بهخشین، كو مهدالیا ئێكێ ب شههیدێ سهركرده و ناڤدار مامۆستا (علی عبدالله) هاته خهلات كرن و یا دووێ بههرا هۆزانڤان و خهباتكهر و ههڤالێ بارزانیێ نهمر (مام ههژار موكریانی ) بوو. نوكه ژی ئهم یێ بهرهڤ كونگرێ ١٤ یێ پارتی دچین، و پشتی ٣٠ سالێت رهبهق ژ كۆنگرێ ١٠، چهند پێدڤی كۆنگرهكێ ژ وی رهنگی نه،چهند پێدڤی خۆ پێداچوون و تبل دانانا سهر بریناینه، چهند پێدڤی رهخنهكا ئاڤاكهر و ڤهگهریان بۆ وان بنهما و ئهخلاقییاتێت وی چاخینه. پێدڤییه ههر ژ نوكه ئهڤ دانوستاندنه وهك بهرههڤی دناڤا كادر و ئورگان و رێكخستنێت پارتی دا دگهرم و گوڕ بن، دلسۆزانه بهرههڤیان بكهین، خۆ سازدهین بۆ كۆنگرهكێ سهركهفتیێ گهر نهبێژی مینا كونگرێ ١٠، ههر چنهبیت مفای ژ سهربۆرێت وی وهربگرین ، نهك كونگرهكێ بشێواز فیستهڤال و چهپله لێدان و ناڤهرۆك تێكدا بهڤل وكوتلهبازی و ئێك دوو شكاندن. ئهرك و بهرپرساریێت مازن ل پێشیا پارتی نه، بهلێ بر كۆنگرهكی ل ئاست ڤان بهرپرسیاریان و ژبۆ دهستهبهركرنا هێز و ڤهژنهكا نوی بۆ بهردهوامبوونا كاروانێ خهباتا پارتی و سهرئهنجام گههاندنا دۆزا مللهتێ مه بهرهف كنارێت تهناهیێ. ل دووماهیێ گهل و توبێژی دیرۆك خۆ دوبارهكهته ڤه و كونگرهكێ مینا كونگرێ دههێ بگێرین …؟!
دوا نوێکردنەوە: 2019-12-01 00:00:00 - سەرچاوە: ئهڤرۆ نيوز