دیجیتاڵ میدیای سپێده
رێكخراوى پۆلیسى تاوانى نێوده‌وڵه‌تى ناسراو به‌ئینته‌ر پۆڵ بڵاویكرده‌وه: كه ئه‌وان ئۆپه‌راسیونێكى به‌فراوانیان ئه‌نجامداوه بۆ به‌ره‌نگاربوونه‌وه‌ى دیارده‌ى رفاندنى مرۆڤه‌كان وبازرگانیكردن به‌كۆچبه‌ران، كه‌تێیدا 195 كه‌سیان ده‌ستگیركردوه.
له‌ماڵپه‌رى فه‌رمى خۆیدا، ئینته‌ر پۆڵ بڵاویكرده‌وه: كه‌له‌وڵاتى مه‌غرب له‌ماوه‌ى نێوان 28ى ئادارى رابردوو و تا 2ى نیسانى ئه‌م ساڵ كارێكى گه‌وره‌یان ئه‌نجامداوه، كه‌به‌پشتیوانى 24 وڵات له‌هه‌ردوو كیشوه‌رى ئه‌فریقیا وئه‌ورۆپا، توانیویانه 500 كه‌س له‌قوربانیانى بازرگانیكردن به‌مرۆڤ رزگاریان كردوه.
راشیگه‌یاندوه: كه 195 كه‌س به‌تۆمه‌تى بازرگانیكردن به‌مرۆڤ وكۆچبه‌ران ده‌ستگیركراون، كه 88 كه‌سیان به‌تۆمه‌تى بازرگانیكردن به‌مرۆڤ و 63 كه‌سیش به‌تۆمه‌تى رفاندنى كۆچبه‌ران ده‌ستگیركراون.