دیجیتاڵ میدیاى سپێده
وه‌زاره‌تى كاره‌باى حكومه‌تى هه‌رێمى كوردستان رایده‌گه‌یه‌نێت، كه به‌هۆى ئیشوكاری چاكسازیی لەكێڵگەی كۆرمۆر، لەو ماوەیەدا هەناردەكردنی بڕە غازی پێویست بۆ وێستگەكانی بەرهەمهێنان رادەوەستێت و بەرهەمهێنانی كارەبا كەم دەبێتەوە.
وه‌زاره‌ته‌كه له راگه‌یه‌نراوێكدا رایگه‌یاندووه، هاوبەشانی كارەبا ئاگادار دەكەینەوە كە رێكەوتی 18/4/2021 لەكاتژمێر 4ی بەیانی یەوە تاوەكو كاتژمێر 12 ی نیوەڕۆ كۆمپانیای داناغاز بەسەرپەرشتی وەزارەتی سامانە سروشتیەكان هەڵدەستێت بەئیشوكاری چاكسازیی لەكێڵگەی كۆرمۆر بۆ زیادكردنی بەرهەمهێنانی غازی سروشتی و خۆئامادەكردن بۆ وەرزی هاوین.
ئاماژه‌ى به‌وه‌شكردووه، لەو ماوەیەدا هەناردەكردنی بڕە غازی پێویست بۆ وێستگەكانی بەرهەهێنان رادەوەستێت و بەرهەمهێنانی كارەبا كەم دەبێتەوە، تیمەكانی كۆنترۆڵی كارەبا و بەهەماهەنگی لەگەڵ وێستگەكانی گۆڕین كار بۆ ئەوە دەكەن لەو 12 كاتژمێرەدا كەمترین كاریگەریی لەسەر ماوەكانی پێدانی كارەبا بە هاوڵاتیان هەبێت .