دیجیتاڵ میدیای سپێده
قایمقامیەتی هەولێر ڕایگه‌یاند، توانرا حەفت هەزارو 536 کیس جبسی ماوە بەسەرچوو دەستی بەسەردا بگیرێت.
لە ڕاگەیەندراوێكدا قایمقامیەتی هەولێر دەستبەسەرداگرتنی بڕی (157) کارتۆن جبسی ماوەبەسەرچووی ڕاگەیاند، کەدەکاتە حەفت هەزارو 536کیس، ئاماژە بۆ ئەوەشكراوە: خاوەنەکەی ھەوڵیداوە لە پارێزگای کرکوک دەربازی پارێزگای ھەولێری بکات،لەلایەن لێژنەی پشکنین وچاودێری بازاڕ لەقایمقامیەتی قەزای ناوەندیی ھەولێر پشکنینی پێویستی بۆ ئەنجامدراو دەستی بەسەردا گیرا.
قایمقامیەتی هەولێر ئاماژەی بۆ ئەوەشكردوە: بۆ ئەم مەبەستە ڕێکاری یاسایی گیرایەبەر، کاردانەوەی ياسايی بەرامبەر خاوەنەکەی جێبەجێ دەكرێت.