دیجیتاڵ میدیای سپێده
نوسینگه‌ى فیدڕاڵى كۆچ و په‌نابه‌ران له ئه‌ڵمانیا توێژینه‌وه‌یه‌كى بڵاوكرده‌وه‌و ئاشكرایكردوه ژماره‌ى موسوڵمانان به‌شێوه‌یه‌كى تێبینیكراو له‌م ساڵانه‌ى كه‌مى رابردودا له وڵاته‌كه‌یان زیادیكروه، به‌شێوه‌یه‌ك گه‌یشتوه‌ته 5 ملیۆن و شه‌ش سه‌د هه‌زار كه‌س ئه‌مه‌ش به‌هۆى كۆچكردنى په‌نابه‌ران بۆ ئه‌و وڵاته.
سایتى "ئه‌ره‌بیك پۆست" بڵاویكرده‌وه، به‌گوێره‌ى توێژینه‌وه‌كه 5 ملیۆن و 3 سه‌د هه‌زار بۆ 5 ملیۆن و 6 سه‌د هه‌زار كه‌س ئێستا له ئه‌ڵمانیا ده‌ژین، ئه‌وه‌ش ده‌كاته 6 پۆینت 4 له‌سه‌دا تا 6 پۆینت 7 له سه‌دا له كۆى گشتیى ژماره‌ى دانیشتوانى ئه‌و وڵاته.
به به‌راورد به ئه‌نجامه‌كانى دوایین توێژینه‌وه كه له ساڵى 2015ه‌دا ئه‌نجامدراوه، ژماره‌ى موسوڵمانان به نزیكه‌ى 900 هه‌زار كه‌س له ئه‌ڵمانیا زیادیكردوه.