سوریا.. بەمووشەك هێرش كرایە سەر كێڵگەی نەوتی عومەر كەهێزەكانی ئەمریكای تیادا نیشتەجێن

له‌شارۆچكه‌ی مه‌دائینی سه‌ر به‌پارێزگای دێره‌زۆر به‌مووشه‌ك هێرش كرایه‌ سه‌ر كێڵگه‌ی نه‌وتی عومه‌ر كه‌هێزه‌كانی ئه‌مریكای تیادا نیشته‌جێن.

به‌گوێره‌ی سه‌رچاوه‌ ناوخۆییه‌كان هێرشه‌كه‌ له‌رێگه‌ی پێنج مووشه‌كی گراد ئه‌نجامدراوه‌ ومووشه‌كه‌كان شارۆچكه‌ی مه‌دائینیان كردوه‌ته‌ ئامانج كه‌له‌ژێر كۆنتڕۆڵی میلیشیا ئێرانییه‌كان ویه‌په‌گه‌دایه‌ وبه‌شێكیش له‌مووشه‌كه‌كان به‌ر چه‌ند شوێنێكی نزیك له‌كێڵگه‌ی نه‌وتی عومه‌ر كه‌وتوون كه‌هێزه‌كانی ئه‌مریكای تیادا نیشته‌جێن.

ئاژانسی هه‌واڵی ساناى سه‌ر به‌رژێمى ئه‌سه‌د، ئه‌وه‌ی بڵاوكردوه‌ته‌وه‌: به‌رۆكێت هێرش كراوه‌ته‌ سه‌ر بنكه‌یه‌كی سه‌ربازی ئه‌مریكا له‌كێڵگه‌ی نه‌وتی عومه‌ر.

به‌شی رۆژهه‌ڵاتی رووباری فوراتی پارێزگای دێره‌زۆر له‌ژێر كۆنتڕۆڵی یه‌په‌گه‌دایه‌ وناوه‌ندی پارێزگاكه‌ وبه‌شی رۆژهه‌ڵات و رۆژئاواشی له‌ژێر كۆنتڕۆڵی رژێمی ئه‌سه‌د ومیلیشیا ئێرانییه‌كان دایه‌.