خەندان-
وەزیری پلاندانانی حکومەتی هەرێمی وردستان رایگەیاند، كێشەكانی نێوان هەرێمی کوردستان و بەغدا لە سەر پرسی بودجە چارەسەر كراون، شایستە داراییەكانی هەرێمی كوردستان لە بودجەی 2020 جێگیر دەكرێن.
لەم کابینەیەدا لە یەكەم كۆبونەوە لیژنەیەكی بۆ پێكهێنرا و لە ئێستادا لە قۆناغی کۆتاییدایە و پێدەچێت لە نزیکترین کاتدا رەوانەی پەرلەمان بکرێت
لەبارەی گفتوگۆکانی نێوان هەرێمی کوردستان و بەغدا رونیکردەوە، گفتوگۆكانی نێوان هەرێمی كوردستان و حكومەتی فیدراڵ "زۆر باشن"، زۆربەی كێشەكانی هەبون چارەسەر كران.
25ی مانگی رابردو، شاندی هەرێمی کوردستان و حکومەتی عێراق لەبارەی پرسی نەوت و بودجەی 2020ی عێراق کۆبونەوە، دوێنێش شاندەکە سەردانی بەغدای کردەوە
لە ئێستادا شاندی هەرێم لە بەغدایە، پێشبینی دەكەم بابەتەتی بودجە كۆتایی هاتوە و دەچێتە پەرلەمان
وەزیری پلاندانان وتیشی، "لە ئێستادا شاندی هەرێم لە بەغدایە، پێشبینی دەكەم بابەتەتی بودجە كۆتایی هاتو
ە و دەچێتە پەرلەمان، هیچ كێشەیەكی نەماوە و زۆربەی داواكاریەكانی خەڵكی كوردستان و حكومەتی هەرێم كە بەدەستور و یاسا جێگیر كراون لە یاسای بودجەی عێراق بۆ ساڵی 2020 جێگیردەكرێن".
لەبارەی سەرژمێری گشتی لە عێراقدا دارا رەشید ئاماژەی بەوەکرد، ئامادەكاریەكانی سەرژمێری بەردەوامە، چەند پێشنیارێك هەیە و لەگەڵ حكومەتی عێراقی لە كۆبونەوە و گفتوگۆی بەردەوامدان، هەندێک كێشە هەن لە ناوچە جێناكۆكەكان، كە بە ماددەی 140 ناسراون، ئەو كێشانە چارەسەر بكرێن ئەوكات بڕیار لەسەر سەژمێری دەدەن.