رێڤەبەرێ گشتیێ كارۆبارێن مینان ل پارێزگەها دهۆكێ دیاركركو ل گوندێ كانیكا ناحیا بامەرنێ ل سنۆرێ دهۆكێ بۆ دەمێ دوو حەڤتیان رووبەرێ 6 ھزار و165 م كۆگەه هاتنە پاقژكرن د ئەنجامدا 400 تەقەمەنی ژ جۆرێن گولەRPG وگولە توپێن 120 ملم و گولە توپێن 82 ملم دگەل چەندین گولە توپێن 60 ملم وفیوز هاتنە راكرن.
مەسعود مەلا شەفیق، رێڤەبەرێ گشتیێ كارۆبارێن مینان ل پارێزگەها دهۆكێ بۆ (باسنیوز) دیار كر كو ئەڤ سالە هەتا دووماهیا مەها بۆری ل سنۆرێ دهۆكێ 21 زەڤی ژ مین وتەقەمەنیان هاتینە پاقژكرن كوسەرجەمێ 775 زەڤیێن تۆماركری، 363 زەڤی هاتینە پاقژكرن وهێشتا 412 زەڤی ماینە نەهاتینە پاقژكرن. رووبەرێ گشتیێ یێ هەموو زەڤیێن تۆماركرێ ل دهۆكێ دگەهتە 32 ملیۆن و 196 ھزار و57 م. هەتا نۆكە روبەرێ 12 ملیۆن و 482 ھزار و 301 م هاتینە پاقژكرن و 19 ملیۆن و 713 ھزار و 756م هێشتا نەهاتینە پاقژكرن. رێژا پاقژكرنێ دگەهتە پتر 38% ل سالا 2019ێ د11 هەیڤێن بۆریدا 21 زەڤی هاتینە پاقژكرن. سێ روویدان پەیدابووینە ژبەر مین وتەقەمەنیان ژوانا ژی دوو كەس مرن و ئێك ژی بریندار بوویە".
خۆیا ژی كركو كەرەستێن هشیاركرنێ ژ مەترسیێن مین وتەقەمەنیان ئەوێن هاتینە بەلاڤكرن ژمارا وان دگەهتە 50 ھزار و 483 كەسان و هەروەسا ژی ژمارا كەسێن مفادار ژ چالاكیێن هشیاركرنێ د ئەڤ سالە دا دبنە 21 ھزار و 890 كەس ژ هەردوو رەگەزان".