دیجیتاڵ میدیای سپێده
سەرچاوەیەکی ئەمنی لە عێراق، کوژرانی شەش چه‌كداری داعشی لە پارێزگای کەرکووک راگەیاند.
سەرچاوەکە بە میدیا عێراقییەکانی رایگەیاندووە، ھێزەکانی فیرقەی پێنجی پۆلیسی فیدراڵیی لە میانی راوەدوونانی ئەو تیرۆریستانەی داعش کە شەوی رابردوو پەلاماری ھێزەکانی پۆلیسی فیدراڵییان دا لە سنووری قەزای داقووق باشووری پارێزگای کەرکووک، شەش تیرۆریستیان کوشتووە.
بەگوتەی سەرچاوەکە، ئەو شەش داعشه لە نزیک گوندی سعێدی سەر بە قەزای داقووق، لەلایەن ھێزەکانی فیرقەی پێنجی پۆلیسی فیدراڵییەوە کوژراون.
شەوی رابردوو ژمارەیەک تیرۆریستی داعش، پەلاماری ھێزەکانی پۆلیسی فیدراڵییان دا لە نزیک گوندی سعێدی و لە ئاکامدا، سێ پۆلیس کوژران.