SNN بەنزینە 690 دینارییەكەی بەغدا ئەمڕۆ جارێكی دیكە گەیشتووەتەوە سلێمانی و لە 10 بەنزینخانە بەردەست دەبێت بەهمەن شێخ قادر، وتەبێژی بەنزینخانەكانی سلێمانی رایگەیاند: “دوای ئەوەی زیاتر لە دوو هەفتەبوو بەنزینەكەی بەغدا بۆ هەرێم ڕاگیرابوو، ئەمڕۆ جارێكی دیكە لەسەر داوای وەزارەتی سامانە سروشتییەكان بەنزینەكە ڕەوانەی سلێمانی كراوەتەوە و بەهەمانشێوەی پێشوو بە نرخی 690 دینار بەسەر شۆفێراندا دابەشدەكرێت و لە 10 بەنزینخانەی شارەكە دەستدەكەون”. لە ماوەی رابردوودا نرخی بەنزین لە هەرێمی کوردستان بەرزبووەوە، بەگوێرەی عەلی حەمەساڵح ئەندامی لیژنەی وزەش: سێ کۆمپانیا لە هەولێر قۆرخی بەنزینیان کردووە و هەر ئەوەش هۆکاری گرانکردنی نرخەکەیەتی و ئەوەشی بە گەندەڵییەکی رێکخراو و تاڵانییەکی گەورە ناوبرد.
The post بەنزینە 690 دینارییەكەی بەغدا گەیشتووەتە سلێمانی appeared first on SNN.