بەڕێز/ بەڕێوەبەر و کادیر و كارمەندانی زاگرۆس تیڤی..
لە (3)هەمین ساڵوەگەڕی كاركردنی(كەناڵی ئاسمانی زاگرۆس) بە زمانی عەرەبی، گەرمترین پیرۆزبایی لە ئێوە و بینەرانی كەناڵە خۆشەویستەکەتان دەكەین و، ئومێدەوارین ھەمیشە هەنگاوی باشتر بنێن و زیاتر بەرەو پێش بچن.
كەناڵی ئاسمانی (زاگرۆس تیڤی) بە زمانی عەرەبی هەنگاوێكی گرنگ و گونجاو و بەسوود بوو بۆ خزمەتگەیاندن بە كێشە نەتەوەیی و نیشتیمانیەكانمان و ناساندنی زیاتری بواری كوولتوری و رۆشنبیریمان بە دەوروبەر و جیھان، لەم روەوە ماندوبوون و بەخششەکانتان بەرزدەنرخێنین و بەردەوامیتان لێ دەخوازین.
دووبارە وێرای دەستخۆشی و سوپاسگوزاریمان، پشتیوانی خۆمان بۆ زیاتر بەرەوپێشچوونی كەناڵی ئاسمانی زاگرۆس دووپات دەكەینەوەو بە هیوای بەرهەم و بەخششی زیاتر.. ھەر سەرکەوتووبن.
مەكتەبی سیاسی
پارتی دیموكراتی كوردستان
11/3/2020