وه‌رزى قه‌ده‌غه‌كردنى ڕاوكردنى ماسى له‌ ڕانیه‌ ده‌ستیپێكرد

دیجیتاڵ میدیاى سپێده‌

وه‌رزى قه‌ده‌غه‌كردنى ڕاوى ماسى ده‌ستیپێكردو بۆ ماوه‌ى سێ مانگ به‌رده‌وام ده‌بێت.

له‌كۆنگره‌یه‌كى ڕۆژنامه‌وانیدا شۆڕش كاكه‌ به‌ڕێوه‌به‌رى به‌ڕێوه‌به‌رایه‌تى پۆلیسى دارستان و ژینگه‌ى ڕاپه‌ڕین ڕایگه‌یاند: له‌ ڕۆژى 15 ى 3ه‌وه‌ بۆ 15ى6 ڕاوى ماسى قه‌ده‌غه‌ده‌كرێت واته‌ ماوه‌ى 3 مانگ ڕێگه‌ به‌هیچ كه‌سێك نادرێ ڕاوى ماسى بكات و هه‌ركه‌سێكیش سه‌رپێچى بكات ڕووبه‌ڕووى یاسا و دادگا ده‌كرێته‌وه‌ .

ناوبراو داواشى له‌هاوڵاتیان كرد، ئه‌وانى بۆ گه‌شت و سه‌یران ده‌چنه‌ نزیك ده‌ریاچه‌ى دووكان نابێت ئه‌وانیش به‌قولاپ ڕاوبكه‌ن و ئه‌و هه‌له‌ بقۆزنه‌وه‌ چونكه‌ ئه‌وانیش لێپرسینه‌وه‌یان له‌گه‌ڵ ده‌كرێت و ڕاوى ماسى له‌م ماوه‌یه‌دا به‌هه‌موو شێوه‌ و ئامرازێك قه‌ده‌غه‌یه‌.