خەڵك – فەرمانگەی میدیا و زانیاری حكومەتی هەرێم ڕایدەگەیەنێت ، لە چوارچێوەی گرنگیدانی كابینەی نۆیەمی بە پارێزگاكان و ئیدارە سەربەخۆكان زیاتر لە 4 ملیار دینار بۆ ژمارەیەك پڕۆژە لەو سنورە تەرخان دەكرێت . فەرمانگەی میدیا و زانیاری حكومەتی هەرێم بڵاویكردەوە، كە لە چوارچێوەی گرنگیدانی كابینەی نۆیەمی حكومەتی هەرێمی كوردستان بە پارێزگاكان و ئیدارە سەربەخۆكان، مەسرور بارزانی، سەرۆكی حكومەت ڕەزامەندیدا لەسەر تەرخان و خەرجكردنی گوژمەی(٤,٣٧٨,٨٧١,٨١٧) ملیار دینار. ئاماژەی بۆ ئەوەشكردووە، كە ئەو بڕە پارە بەمەبەستی ئەنجامدانی 68 پڕۆژەی جۆراوجۆری خزمەتگوزاری لەسنوری پارێزگای دهۆك و ئیدارەی سەربەخۆی زاخۆ تەرخانكراوە، كە گوژمەكەشی بەشێوەی نەختینە و قۆناغ لەسەر بوودجەی پەرەپێدانی پارێزگای دهۆك خەرجدەكرێت.
The post زیاتر لە 4 ملیار دینار بۆ ژمارەیەك پڕۆژە لە دهۆك و ئیدارەی سەربەخۆی زاخۆ تەرخان كرا appeared first on تۆڕی میدیایی خەڵک.