دیجیتال میدیای سپێده
کۆمەڵەی کێڵگە پەلەوەرییەکان رایدەگەیەنێت لەماوەی هەفتەیه‌كه هەر تۆنێک عەلەف ٨٠$ دۆلار گرانبووە و ئەمەش مەترسی دروست دەکات بۆ بەرهەم هێنانی مریشک و مایەپوچبونی خاوەن پرۆژەکان.
نازم عبدوڵا جاف،سەرۆکی کۆمەڵەی کێڵگە پەلەوەریەکان لەراگەیەندراوێکدا بڵاویکردوەتەوە، هەموو لایەک ئاگادار دەکەینەوە لەماوەی یەک هەفتەدا هەر تۆنێک عەلەف ٨٠$ دۆلار گرانبووە ئەمەش مەترسی گەورە دروست دەکات بۆ بەرهەم هێنانی مریشک و مایەپوچبونی خاوەن پرۆژەکان وە ڕاگرتنی بەرهەم هێنانی مریشک.
ئاشکراشیکردوە، خراپی جوچک و گرانبونی نرخەکەی هۆکارێکی تری کێشەکانمانە وە گرانبونی و ڤیتامینەکان و دەرمان و ڤاکسین بەکوالێتی خراپیانەوە زیانی گەورەی بە کەرتەکەمان گەیاندوە لەگەڵ گرانبونی نرخی غاز و گاز زیانی زۆری پێگەیاندوین".
ئاماژەی بەوەشکرد،" لەئێستادا تاکە چارەسەر بۆ مانەوەی کەرتی پەلەوەر لەهەرێمی کوردستان کردنەوەی ڕێگای وڵاتی کۆماری ئیسلامی ئێرانە بۆ هاوردەکرنی عەلەف و جوچک بە ئازادانە لەبەر ئەوەی نرخی ئالیک و جوچک لەو وڵاتە هەرزانەو کولێتی گونجاوە بۆ خاوەن پرۆژەکان.
لەهەرێمی کوردستاندا ١٧٥٠ پرۆژەی بەرهەم هێنانی مریشک هەیە کە زیاتر لە ٢٥٠٠ هۆڵ دەبێت بێجگە لە هەبونی ٥٠٠ پرۆژەی نایاسایی، لەگەڵ ئەمانەشدا نرخی مریشک بەردەوام لەبەرزبونەوەدایە.