نرخی نەوت زیاتر بەرز ده‌بێته‌وه‌

دیجیتال میدیای سپێده‌

ئەمڕۆ یەكشەممە نرخی بەرمیلێك نەوتی خاوی برێنت لە بازاڕەكانی جیهان، بە 94 دۆلار و 44 سەنت مامەڵەی پێوەكرا.

ماڵپەڕی ئینزڤێستینگ، كە تایبەتە بە خستنەڕووی نرخی سووتەمەنی و كانزاكان، بڵاویكردەوە، بەیانی ئەمڕۆ یەكشەممە نرخی بەرمیلێك نەوتی خاوی برێنت لە بازاڕەكانی جیهان، بە 94 دۆلار و 44 سەنت مامەڵەی پێوەكرا.

هاوكات، نرخی بەرمیلێك نەوتی خۆرئاوای تەكساس، بە 93 دۆلار و 10 سەنت مامەڵەی پێوەدەكرێت.

ئەو نرخەی ئەمڕۆی نەوت بەراورد بە ڕۆژانی ڕابردوو بەرزە، ئەو بەرزبوونەوەیەش پەیوەندیی بە كێشە و ئاڵۆزییەكانی نێوان ئۆكراینا و رووسیاوە هەیە و ترسی روودانی شەڕ هۆكاری سەرەكیی بەرزبوونەوەی نرخی نەوتە.