ئاسایشی شاره‌زوور ده‌ستبه‌سه‌رداگرتنی جیهازی دۆزینه‌وه‌ی شوێنه‌واری ڕاگه‌یاند
ئاسایشی شارەزوورله بڵاوكراوه‌یه‌كدا ڕایگه‌یاند: له چوارچێوه‌ی هه‌ڵمه‌ته كانی هێزه‌كانی به‌ڕیوه‌به‌رایه‌تی ئاسایشی شاره‌زوور و گه‌ڕان و كێومالكردنی سنوره‌كانمان بۆ پاراستنی ناوچه شوێنه‌واریه‌كانی سنوری به‌ڕیوه‌به‌رایه‌تیمان ، هێزه‌كانمان توانیان له ناوچه‌یه‌كی شوێنه‌واری ده‌ست به‌سه‌ر جیهازێكی دۆزینه‌وه‌ی شوینه‌واردا بگرن.
ئاماژه‌ی به‌وه‌شكرد: ئامێره‌كه له جۆرێكی پێشكه‌وتوه و بۆ ئه‌و مه‌به‌سته به‌كار هێنراوه.
ئاسایشی شارەزوور ئه‌وه‌شی ڕاگه‌یاند: ده‌ست به‌جێ هێزه‌كانمان ده‌ستیان به لێكۆلینه‌وه كردووه بۆ دۆزینه‌وه تۆمه‌تباران تا ڕووبه‌ڕوی یاسایان بكه‌نه‌وه و لێكۆلینه‌وه‌ی زیاتریش به‌رده‌وامه.