دیجیتاڵ میدی سپێده
كۆشكی سپی ئه‌مریكا بڵاویكردوه‌ته‌وه، ئه‌مڕۆ سه‌رۆك بایدن كۆمه‌ڵێك رێوشوێنی نوێ بۆ لێپێچینه‌وه له روسیا راده‌گه‌یه‌نێت كه گه‌وره‌تر ده‌بن له‌وانه‌ی رابردوو.
له‌ماوه‌ی رابردودا به‌شێك له میدیاكانی ئه‌مریكا بڵاویانكرده‌وه، بایدن ئه‌مڕۆ راگرتنی په‌یوه‌ندییه ئابورییه سروشتیه‌كانی له‌گه‌ڵ روسیا راده‌گه‌یه‌نێت، هاوكات باج له‌سه‌ر هاورده‌ی روسیا زیادده‌كات.
پێشتر و له سێی ئه‌م مانگه‌دا ئه‌مریكا ژماره‌یه‌ك سزای دیكه‌ی به‌سه‌ر روسیادا سه‌پاند كه خۆی له‌بواری به‌رگری و سه‌ربازیدا ده‌بینیه‌وه و له‌و چوارچێوه‌یه‌دا 22كۆمپانیای بواری به‌رگری روسیای خسته لیستی ره‌شه‌وه، ئه‌مه جگه له‌و كۆمپانیایانه‌ی هاوكاری سه‌ربازی وڵاته‌كه ده‌كه‌ن.
هاوكات جۆ بایدن رایگه‌یاند، ئاسمانی ئه‌مریكا به‌روی فڕۆكه گه‌شتیاری و بارهه‌ڵگره‌كانی روسیادا داخراوه.