هەروەها ئەمینداری گشتی یەكگرتوو جەختیكردەوە: پرسی نەتەوەیی كاسپی زۆری بەسەرەوە كراوەو لەڕێڕەوی دروستی خۆی ترازێنراوە، بەداخەوە ئەو ممارەسە نەگونجاوەی لەم هەرێمە پیادەكراوە بۆتەهۆی ئەوەی هەستی نیشتیمانی لەلای تاك نەمێنێت، هەروەها لەگەڵ ئەوەی لەپرسە نیشتیمانی و حكومڕانیەكانیش سەركەوتونەبون، ئاسانكاریش دەكەن بۆ بەلاڕێدابردنی گەنجان و كۆمەڵگەو ترازاندن لەڕەوشتە بەرزەكان. لەكۆتای دیدارەكەدا مامۆستا سەلاحەدین محەممەد بەهائەدین تیشكی خستەسەر دۆخی خراپی ئابوری و داریی هەرێمی كوردستان و ووتی: لەسایەیی فەرمانڕەوایی حزبەكانی دەسەڵات دۆخی دارایی هەرێم تادێت خراپتر دەبێت و نرخی نەوت 40 دۆلار بوو دواتر بەرزبویەوە بۆ سەروی 100 دۆلار كەچی دۆخی دارایی هەرێم خراپتربوو باشترنەبوو، ئەوەش كارەساتەو هۆكارەكەی نەبونی دادپەروەرییەو بەرپرسانی هەرێم لێی بەرپرسن.