دیجیتاڵ میدیای سپێده
جێگری پارێزگاری هه‌ڵه‌بجه:موسته‌فا كازمی لایه‌نه‌كانی ڕاسپاردووه به زووترین كات ڕێكاره‌كانی به پارێزگابوونی هه‌ڵه‌بجه ته‌واو بكه‌ن
كاوه عه‌لی جێگری پارێزگاری هه‌ڵه‌بجه رایگه‌یاند : په‌یوه‌ندیمان به نوسینگه‌ی سه‌رۆك وه‌زیرانی عێراق و وه‌زاره‌تی پلاندانانی عێراقه‌وه كرد و به‌دواداچوونمان بۆ ڕێكاره‌كانی به پارێزگابوونی هه‌ڵه‌بجه كرد .
كاوه شێخ عه‌لی راشیگه‌یاند : سه‌رۆك وه‌زیرانی عێراق موسته‌فا كازمی ڕه‌زامه‌ندی له‌سه‌ر راپۆرتی وه‌زاره‌تی پلاندانانی عێراق ده‌ربڕیوه كه تایبه‌ت بوو به پارێزگاكردنی هه‌ڵه‌بجه و وه‌زیری پلاندانانی ڕاسپاردووه كه به زووترین كات ڕێكاره‌كان ته‌واو بكات و ئاراسته‌ی لایه‌نه په‌یوه‌ندیداره‌كانی بكاته‌وه.
جێگری پارێزگاری هه‌ڵه‌بجه ووتیشی : وه‌زاره‌تی پلاندانان پێیان ڕاگه‌یاندین كه چه‌ند وورده كارێكی ئاسان ماوه و به‌م نزیكانه ته‌واو ده‌بێت و پارێزگای هه‌ڵه‌بجه كۆدی تایبه‌تیی وه‌ك پارێزگای نۆزده وه‌رگرتووه‌و نه‌خشه‌ی پارێزگاكه جێگیر كراوه.