دیجیتال میدیای سپێده
پارێزگاری پێشووتری بابل، کەڕار عەبادی بەتاوانی گەندەڵی بە پێنج ساڵ زیندانیکردن سزادرا.
سەرچاوەیەکی دادوەریی لە عێراق کە نەیویست ناوی ئاشکرا بکرێت بە ئاژانسی ئانادۆڵوی رایگەیاند، دادگای تاوانەکانی بابل سزای پێنج ساڵ زیندانیکردنی بۆ کەڕار عەبادی دەرکردووە، ئەوەیش بەتاوانی ئەوەی ناوبراو لە ساڵی ٢٠١٩دا واژووی لەسەر کۆنووسێکی تایبەت بە دابەشکردنی پارچە زەوی کردووە کە پێچەوانەی یاسابووە.
پێشتریش لە ئاداری ٢٠٢٠ی کەڕار عەبادی بەتاوانی ساختەکاریی، سزای حەوت ساڵ زیندانیکردن و لە کانوونی یەکەمی ھەمان ساڵدا، بەتۆمەتی زیانگەیاندن بە سامانی گشتیی سزای سێ ساڵ زیندانیکردنی بۆ دەرکرابوو.
لە تشرینی یەکەمی ٢٠١٩دا، کەڕار عەبادی لە پۆستی پارێزگاری بابل لادرا، بەڵام تا ئێستا دەستگیرنەکراوە.