نرخی ئه‌مپێری كاره‌بای موه‌لیده‌ بۆ مانگی سێ له‌ سلێمانی دیاریكرا

دیجیتاڵ میدیای سپێده‌

بەڕێوەبەرایەتى گشتى کارەباى سلێمانى ڕایگه‌یاند، نرخی یه‌ك ئەمپێڕ كاره‌بای موه‌لیده‌ لەمانگی رابردوودا (مانگی سێ) له ‌نێوان (14) هه‌زار دینار بۆ (15.500) دینار ده‌بێت.

بەڕێوەبەرایەتى گشتى کارەباى سلێمانى له‌ ڕاگه‌یه‌ندراوێكدا ڕایگه‌یاند: ئەمڕۆ یەکشه‌ممه‌‌ (2022/4/3) لیژنەی سه‌رپه‌رشتیارى موه‌لیده‌ ئەھلییەکانی سلێمانی بۆ هه‌ژماركردنی نرخی كاره‌بای موەلیدە ئه‌هلییه‌كان كۆبونه‌وه‌ و به‌گوێره‌ى نرخى گازۆیل و كاتژمێره‌كانى كاركردن نرخى ئه‌مپێرێك كاره‌باى موه‌لیده‌ى ئه‌هلى بۆ مانگی رابردو (ئازار) له‌ نێوان (14) هه‌زار دینار بۆ (14.500) هه‌زار دینار ده‌بێت،به‌هۆی جیاوازی كارپێكردنی موه‌لیده‌كان‌یش له‌گه‌ڕه‌كێك بۆ گه‌ڕه‌كێكی دیكه‌، نرخی ئه‌مپێڕێك كاره‌بای موه‌لیده‌ی جیاواز ده‌بێت،

ئاماژه‌ی به‌وه‌شكرد: سه‌باره‌ت به‌كاركردنى موه‌لیده‌ش بۆ ئەم مانگە بەم شێوەیە دەبێت به‌یانیان له‌ سه‌عات (7)ـی به‌یانى تا سه‌عات (8:00)ـى به‌یانى كارده‌كه‌ن، دواى نیوڕوانیش لە کاتژمێر (3)ى دواى نیوه‌ڕۆ تا 4:30 بەرەبەیانى کاردەکەن و لە ماویەدا هه‌ركاتێك كاره‌بای نشتیمانی كوژایه‌وه‌ پێویسته‌ موه‌لیده‌كان كاره‌با دابین بكه‌ن بۆ هاوڵاتیان.