دیجیتاڵ میدیای سپێده
دابه‌شكردنى موچه‌ى مانگى 3 ماوه‌ى 10 رۆژه دواكه‌وتووه، میدیاى بزوتنه‌وه‌ى گۆڕان بڵاویكرده‌وه دابه‌شكردنی مووچه‌ی مانگی ئادارى فه‌رمابه‌رانى هه‌رێمى كوردستان ئاماده‌یه، به‌ڵام به‌فه‌رمانی ڕاسته‌وخۆی مه‌سرور بارزانی سه‌رۆكى حكومه‌تى هه‌رێم ڕاگیراوه ودابه‌شناكرێت.
له‌لایه‌كى دیكه‌وه، وه‌زاره‌تى دارایى وئابوورى حكومه‌تى هه‌رێم، سه‌باره‌ت به‌بڵاوبونه‌وه‌ی راپۆرتێك له‌سه‌ر دابه‌شكردنی موچه وناوهێنانی سه‌رۆكی حكومه‌ت، رونكردنه‌وه‌یه‌كى بڵاوكردۆته‌وه وره‌تیكرده‌وه، دابه‌شكردنی موچه‌ى فه‌رمانبه‌ران به‌بڕیاری مه‌سرور بارزانی سه‌رۆكی حكومه‌ت وه‌ستێنرابێت.
دابه‌ش نه‌كردنى موچه‌ى مانگى 3ى فه‌رمانبه‌رانى هه‌رێم له‌كاتێكدایه له‌مانگى 3دا حكومه‌تى هه‌رێم نزیكه‌ى 500هه‌زار به‌رمیل نه‌وتى خاوى رۆژانه‌ى به‌زیاتر له 100 فرۆشتووه و 200 ملیاره‌كه‌ى به‌غداش گه‌یشتۆته هه‌رێم به‌ڵام تا ئێستا حكومه‌تى هه‌رێم ده‌ستى به‌دابه‌شكردنى موچه‌ى مانگى 3 نه‌كردووه.