ديجيتاڵ میدیای سپێده
سەرۆکایەتی ئەرکانی سوپای ئۆکرانیا نوێترین زانیاری لەبارەی زەرەر و زیانەکانی سوپای رووسیا بڵاوکردەوە ڕایگه‌یاند، نزیکەی ١٩ هەزار سەربازی رووسیا کوژراون.
بەگوێرەی نوێترین راگەیەندراوی سەرۆکایەتی ئەرکانی سوپای ئۆکراینا، لە ٢٤ی شوبات تاوەکو هەشتی نیسان سوپای رووسیا نزیکەی ١٩ هەزار سەربازی لێ کوژراوە و ١٥٠ فڕۆکە، ١٣٥ هەلیکۆپتەر، ٧٠٠ تانک، ١٨٩١ زریپۆش، ٣٣٣ تۆپهاوێژ، ١٠٨ مووشەکهاوێژ و ٥٥ سیتسمی بەرگریی ئاسمانیی تێکشکێندراون.
ھەروەھا ھەزار و ٣٨١ ئۆتۆمبێلی سەربازی، حەوت کەشتی و بەلەم، ٧٦ تانکی سوتەمەنی و ١١٢ فڕۆکەی بێفڕۆکەوانی لەدەست داوە.